Ngā tāngata mā rātou tēnei aratohu e pānui
He maha ngā huarahi hei whai mā te tāngata whenua ki te whakangungu i ō rātou taonga me te whai i ō rātou wawata. Ko te whakauru ki roto i ngā tukanga o te Ture Whakahaere Rawa 1991 tētahi o aua huarahi.
Ko te whai o tēnei aratohu, he āwhina i te tāngata whenua ki te whakauru tōtika ki roto i te whakataunga e pā ana ki te whakaaetanga o ngā rawa. Kua tuhia te aratohu mō te tāngata whenua e hiahia ana ki te kite i te Ture Whakahaere Rawa e mahi ana mō rātou, kāore ki te patu i a rātou.
He aratohu tēnei mō ngā whānau, ngā hapū, ngā iwi me ētahi atu whakahaerenga, rōpū rānei e tū ana hei māngai mō te pānga tāngata whenua i roto i te tukanga whakatau whakaaetanga. Me pānuitia e koe tēnei aratohu mehemea:
- kei te hiahia koe ki te whakauru ki te tukanga whakatau whakaaetanga engari kāore koe i te mōhio ki whea tïmata ai
- kua whakauru kē koe ki te tukanga engari kei te hiahia ki te mōhio me pēhea rā e kaha awe ai koe, e mahi tōtika ai, kia whaihua ake ai tōu whānau, tōu hapū, tōu iwi
- kei te hiahia ki te mōhio ki ngā tikanga whakahaere a ētahi atu hapū, iwi rānei mō ēnei take.
